Təsərrüfat şərikliyi (müzariə) bir tərəfdən torpaq sahəsi, digər tərəfdən əmək sərf edilməklə hasil edilən məhsulun tərəflərin azad müəyyən etdikləri miqdarlarda bölüşdürülməsi əsasına söykənir. Torpaq sahibi və əmək sərf edənlə yanaşı, işlə bağlı xərcləri öhdəliyə götürən üçüncü bir fiziki və ya hüquqi şəxslə birgə də belə bir şəriklik təsis edə bilərlər. Belə olan təqdirdə, təsərrüfat üçün faizsiz kredit verən fiziki və ya hüquqi şəxs, faiz yerinə hasil edilən məhsuldan pay alacağı üçün bərəkətli və halal bir qazanc almış olar.
Qaynaq: Dəlilləriylə Ticarət Elmihalı - Anar Qurbanov, İpəkyolu Nəşriyyatı, Bakı 2014